Pætur Sigvardsen

Titan Nedbrydning A/S er ein donsk fyritøka, ið arbeiðir við niðurríving, umbyggingarklárgerð og umhvørvissanering, herundir handfaring av vandamiklum evnum sum asbesti, PCB og tungmetallum.

Í míni tíð hjá Titan hevði eg ábyrgd av sjey verkætlanum frá byrjan til enda. Arbeiðið fevndi um planlegging, samskipan, dagliga leiðslu, kundasamskifti, trygd, góðskutrygging og avlevering. Millum verkætlanirnar vóru millum annað:

• Total niðurríving av fimm minkframleiðslum.
• Niðurríving av einum sethúsum.
• Niðurríving av einum vinnubygningi.

Umframt dagligu verkætlanarleiðsluna hevði eg eisini leiklutin sum arbeiðsumhvørviskoordinator og hevði ábyrgd av arbeiðsumhvørvinum á tilsamans 15 arbeiðsplássum. Hetta fevndi um at tryggja, at arbeiðið varð framt í samsvari við galdandi trygdar- og arbeiðsumhvørvisreglur, gera váðametingar, samskipa trygdararbeiði og fylgja upp upp á arbeiðsgongdir á byggiplássunum.

• Eftir lokna starvsvenjing fekk eg tilboð um at halda fram í fyritøkuni fram til eg fór undir mína konstruktørsérgrein. Eg helt fram við teimum somu arbeiðsuppgávunum sum í starvsvenjingini, men við størri ábyrgd og serligum denti á at fáa verkætlanirnar lidnar og tryggja eina góða endaliga avlevering. Millum annað hevði eg ábyrgd av at fullføra og handa røntgenrúmið.

Starvsvenjing á verkætlanini Steno Diabetes Center Nordjylland (umleið 7.800 m²), har M. Thomsen Støtt var høvuðsarbeiðstakari.

Eg var partur av verkætlanarbólkinum hjá høvuðsarbeiðstakaranum við ábyrgd innan:

• Dagligu trygdini á plássinum
• Samskipan og planlegging av arbeiðsuppgávum.
• Uppfylging og stýring av arbeiðsgongdum á byggiplássinum.
• Samskifti og samstarv við byggiharra, ráðgevar og undirveitarar.

Hjá Fróða Sp/f var eg lærlingur tey fyrstu tvey árini og helt síðani fram í starvi, fram til eg flutti til Danmarkar at taka hægri útbúgving. Útbúgvingin og arbeiðsuppgávurnar høvdu serligan dent á kundaráðgeving og dagligt samskifti við bæði privatkundar og yrkishandverkarar.

Eftir lokna miðnámsútbúgving og samstundis sum eg var í læru, arbeiddi eg sum arbeiðsmaður hjá Fjarðahús Sp/f, eini fyritøku, ið keypir, selir, umvælir og leigar sínar egnu ognir út.

Eg var partur av arbeiðinum gjøgnum alla verkætlanargongdina, frá byrjan til endaliga liðugtgerð. Arbeiðsuppgávurnar vóru fjølbroyttar og fevndu millum annað um gipsarbeiði, málaraarbeiði, taklegging, montering av vindeygum, niðurríving, flutning og innkeyp av tilfari, umframt aðrar praktiskar uppgávur á byggiplássinum.

Starvið gav mær breiða praktiska roynd innan byggivinnuna og eina góða fatan av øllum stigum í eini byggiverkætlan, frá fyrireiking og arbeiðsgongdum til liðugt úrslit.